Ua Neeg Nrog Kev Tu Siab

Koj nim dhuav dhuav kuv os

Nyob muaj ib hnub kuv tuag lawm ces

Koj tsa tsis sawv koj hu tsis hnov

Ncauj qhuav li qho ntsej muaj daj nrhuv

Koj yuav hlub hlub tsis txawj tag os

Koj nim tsis hlub kuv os

Nyob muaj ib hnub kuv siav tu nrho

Koj mam los pw txaj chaw txias to

Vaj tsev nqha nrig tsis muaj kuv nyob

Lub npe yawg ntsuag koj yeej yuav hnov

Kuv nrog koj nyob los tau ntau lub xyoo

Txawm phem thiab zoo yog koj poj niam

Luag teb luag chaw saib tau me ntsis

Los koj tseem saib kuv tsis muaj nqis

Txog hnub koj ntsib koj mam li paub

Muaj ib hnub koj nco txog kuv

Koj mam tuaj quaj tuaj hu tom ntxa

Saib kuv no sawv puas tau rov qab

Los nrog koj nyob zoo li yav tag

Saib ntuj puas tshav rau koj lub neej os