Tseem Saib Koj Lub Neej

Sib tso hnub no ces nws yuav tsis muaj ntxiv lawm os

Rau kuv thiab koj wb rov mus pib dua tshiab

Siab ncaim hnub no ces yog zaum kawg

Rau ntawm koj thiab kuv wb

Thiaj nws yuav tsis muaj ntxiv tias yog wb dua

Sib hlub ib zaug kuv ua tsis tau dab tsi zoo rau koj

Es kuv tsuas thov kom koj no tsuas mus zoo

Mog me nkauj hmoob tus neeg kuv tshua

Es thov kom luag hlub koj tshaj kuv

Thiaj li tsim nyog qhov kuv mob siab rau koj hnub no

Chorus

Txhob cia kuv paub tias

Koj no mus nrhiav tau tus tsis hlub koj

Txhob cia kuv hnov tias koj mus tau lub neej tsis zoo

Txhob cia kuv paub tias luag twb tsis hlub koj npaum li kuv no

Txhob cia kuv hnov tias koj mus ua lub neej ntxuag kua muag

Es thiaj tsis ua rau kuv no haj yam tu siab rau koj tshaj no

Mog me nkauj hmoob tus neeg kuv hlub kuv nco

Es rau siab mus ua koj lub neej xyaum ua ib tus neeg zoo

Nco ntsoov tias kuv tseem saib koj no lub neej

Seb yuav zoo npaum cas