Ntawv txuj ci hmoob

Ntawv txuj ci hmoob

1. Rab qeej yog dab tsi?

- Rab qeej yog peb hmoob puav pheej, qeej yog niam nkauj iab txiv nraug oo ua tus tsim tawm los rau noob neej hmoob tshuab tsa hwj chim thiab cia ua puav pheej rau haiv hmoob.

2. Rab raj, rab ncas, tshuab nplooj yog dab tsi?

- Rab raj, rab ncas, tshuab nplooj yog niam nkauj iab qhia rau noob neej ua kev lom zem los ntxuav kho tib neeg nplooj siab kom noj qab nyob zoo ntsej muag luag ntxhi xwb.

3. Kwv txhiaj, lus taum yog dab tsi?

- Kwv txhiaj lus taum yog poj caj yawm ces qhia rau noob neej ua kev laj tav haub yaum txog txoj kev sib hlub, sib hmov, sib tshua ntawm noob neej txoj kev ua nkauj ua nraug nyob ntiaj teb no.

4. Zaj tshooj yog dab tsi?

- Zaj tshooj yog yawm saub qhia rau nkauj nim thiab nraug nus nkawv coj los ua kev teev hawm rau noob neej thaum muaj tub, ntxhais sib yuav ua txij ua nkawm raws li hmoob txuj ci.

5. Zaj txiv xaiv yog dab tsi?

- Zaj txiv xaiv yog yawm saub qhia rau noob neej ua kev tsa koob meej hwj chim rau ib lub ntees tuag xws li: qhuab qhia kev ncaj ncees, qhia qhov chaw zoo faus tus neeg tuag, foom koob hmoov kev ua nom tswv faj tim huab tais rau ib tsoom tub kiv nyob ntiaj teb kom khaws tau.

6. Neeb yaig yog dab tsi?

- Neeb yaig yog txoov siv yis ib hauv kuab muaj tsuas los kho noob neej tus kab mob xwb.