Lus txhiaj txhais hmoob

Lus txhiaj txhais hmoob ma yog ib cov lus hais ua si lom zem ntawm kev nkauj nraug, kev phooj ywg. Ib tus nug ib tus teb xws li:

- tus nug: Muaj nplooj tsis muaj ko, txi txiv plhe hlo. Yog dab tsi?

-tus teb: txiv puv luj

1. Tim tsua tim tsua, dhia plhaw txij dua.

- Lub Ris

2. Noj ntawm ncauj tswm ntawm tav.

- Lub Zeb

3. Rauv taws nram tiaj, ncho tsawv pem looj hiaj.

- Tus Yeeb nkab

4. Noj ntawm tav, tshwm ntawm ncauj.

- Lub Yeeb thooj

5. Tsis zas txawj liab, tsis hliav txawj ntse.

- Lub Kua txob

6. Nyuj nqov tim dawm, mus txog tsis pom lawm.

- Tso Paus

7. Tuaj deb ntsia zoo li txooj xyoob, mus txog yog txiv nuj sis loob.

- Rab Qeej

8. Tawg paj saum yaj, txi txiv nruab yeeb.

- Txiv Laum huab xeeb

9. Tus maum npua qhuav tuag nram kwj ha, uab lag ncaws nqa ncaws nqa.

- Tuav ncuav

10. Muaj tis tsis muaj txha, ya taug kwj ha.

- Tus Quas liv

11. Tuav nees txoob, taug nees hneev.

- Luj teev

12. Noj zoo, pw qhov ntoo.

- Rab Teev

13. Txiv yawg txiv qas tsi, plaub teg plaub taws khi.

- Lub Ruav ntxaij

14. Muaj nplooj tsis muaj ceg, txi txiv plhe leg.

- Tsob Tsawb

15. Tuaj deb ntsia yog tus txiv heev nyuj liab, mus txog luj tsis muaj peb fiab.

- Tus Ntsaum liab

16. Thaum mus luaj tus zuam, thaum los luaj tais vuam.

- Lub Paj Hnub hlis

17. Tuaj deb ntsia zoo li lub kaus, mus txog yog ib pawg noob qaus.

- Tsob Txiv taub ntoos

18. Tug niag khem khuas luas, tshuav lub plawv dhia rhuj rhuas.

- Tus Noog nyob hauv tawb

19. Peb tug kwv tij koom ib txoj phuam ntoo.

- Lub Kos

20. Kaj ntug puav da dej, tsaus ntuj puav dai taw.

- Txoj Phuam ntxuav muag

21. Muaj nplooj tsis muaj ko, txi txiv plhe hlo.

- Lub Txiv poov luj

22. Ploj pliag zaj pag tawm plaws zaj pwg, muab zaj niam zaj txiv chaws ntswg.

- Tus Nuv, nuv ntses

23. Tus poj-qaib dawb tuag nraum kwj tse, txhia leej txhia tus pe.

- Lub Zeb ho, hov riam

24. Dub li hlau, nplua li ntseg, muab tsis tau luag hes.

- Tus Dev mub

25. Muaj ob lub txiv liab liab nyob saum hauv tsua, xav noj ntshai tsam xob tua.

- Poj niam ob lub mis

26. Ib rooj yej mag tau ib pab niam txiv tub nas.

- Daim Pam vov

27. Nkauj see seev seev nkauj see poob qhov nrheev.

- Rab ncas

28. Poj-suav nyob qhov taub, poj suav qhov quav tuaj plaub.

- Lub haus paus dos

29. Tsuj dev tw, dev quaj qw quaj qw.

- Tuav Cos

30. Tim los khi, tod los khi, nruab nrab txiv tub fiab vab tshaus ua si.

- Kab laug sab lub tsev

31. Ib lub yias thawj tsheb nyob tom hav zoov dai ncuv, los nag peb hhub peb hmos tsis puv.

- Lub Zes Noog

32. Ib tug phaw twm tuag nram kwj ha, yeem tshum yeem ua pa.

- Lub Foob Xab

33. Ib tug noog zaws, noj tas peb roob peb ha taws.

- Lub Qhov Cub

34. Me me li lub qhov muag ntses, noj tas toj roob hauv pas.

- Lub Hauv txhuam (tus qws ntais ntawv)

35. Ob tog yog tw nab, qhov muag nyob hauv qab plab.

- Phob Tsig cuab Noog

36. Taw muaj cuaj ciab, hau mua; cuaj dag, nrom nroos qab zaj pag.

- Lub Vas natu Ntses

37. Leej txiv nthe nqho, leej tub llawm hlo.

- Rab Phom, rab hneev

38. Tawg paj ua me yaj txi txiv ua me ncw, noj los qab, hnia los tsw.

- Lub Noob hnav