Lub Caij Ntaus Nas

ib sij huam caij nyoog dhau mus

kuv leej nus nco koj kawg tiag

cas ib pliag wb txoj kev hlub

yam lub hnub twb yuav poob qho

koj puas nco ntau xyoo dhau mus

kuv leej nus yog tus hlub koj

siab xav zoj tias yuav sib tau

thiaj li sau kiag tuaj nruab ntaub

qhia koj paub tias kuv hlub tiag

cas ib pliag lub ntiaj teb tig

kuv sawv lig koj mus ua nyab

ua suab sab rau nruab dab ntub

kuv leej tub thiaj mam ntsim nto

cas kuv nco koj ua luaj li

nco thaum i wb pw pem teb

koj kuv peb maub mus ntaus nas

lus hais tas koj cev nkauj xwb

twb tau swb rau kuv lawm tiag

cas ib pliag koj ho hloov siab

yuav tus tshiab muab kuv tso cia

tso tes dhia mus ua luag nyab

yug luag ab los rau luag puag

lub suab luag mus nyob luag tsev

thaum taug kev wb rov sib ntsib

tsis zoo pib yuav tsa ncauj tham

ces ho lam hus tias tuaj los

tej lus mos twb tsis zoo hais

lam mus txais lawv me nyuam puag

ua zaim muag tuaj ntsia ib plia

muab nco cia koj cev nkauj xwb

koj kuv wb sib puag ib hmos

txawm nag los wb yeej tsis hnov

tej dab tso los wb tsis ntshai

hnov kau sai tsuj pob zeb ntog

wb tseem qog thiab tseem xav luag

pw sib puag lub siab kaj lug

thaum kaj ntug plaub hau ntxhov tas

mam nco nras wb ua dab tsi

kev ua si ces li no tiag

muab xav kiag tseem nco koj kawg thiab hos… 

niag tsov tom aw…