Lam Qhau Lub Cev Pw

Lam qi lam qi lub qhov muag mus

tiam si tiam si tsis tuaj dab ntub

vim yog tseem pheej xav txog ib tug

tus uas kuv hlub tus uas kuv nco

tsaus ntuj tav no koj ua dab tsi

lam qhau lam qhau lub cev pw

lam qi lam qi lub qhov muag xwb

lub siab lub ntsws twb ya mus lawm

ya mus thaj chaw uas muaj koj nyob

ya mus lub zos uas muaj koj pw

tsuas tshuav lub cev thiaj

tseem pw nrog lub txaj

lub siab lub ntsws ces twb ya lawm tag

qi muag npaum cas thiaj tsis tsaus zog

vim yog kuv nco txog koj xwb na

tsam no tsam no lub hli twb nres

txoj kev txoj twg los dawb paug cia

kuv me nplooj siab koj puas tau pw

kuv me nplooj ntsws koj puas tseem nyob

thov koj tsaug zog cia npau suav zoo

tsuas tshuav lub cev thiaj

tseem pw nrog lub txaj

lub siab lub ntsws ces twb ya lawm tag

qi muag npaum cas thiaj tsis tsaus zog

vim yog kuv nco txog koj xwb na

lam qhau lam qhau lub cev vau

lam qhau lam qhau lub cev ntog

tos lub ntuj kaj tos lub hnub tawm

kuv yuav maj sawv tuaj mus cuag koj

tuaj hais rau koj paub tias kuv nco