Kuv Mi Nkauj Muam

Hu zaj nkauj no rau kuv leej muam

Koj ya nrog luag hla dej sab tiv

Tseg kwv tseg tij tseg niam tseg txiv

Tseg viv tseg ncaus nyob tuaj tom qab

Tseg koj leej nyab tseg koj leej nus poob lub kua muag

Tseg koj leej nus nyob ntshaw luag muam

Leej niam leej txiv yug kooj yug tsawg

Los tseem tsis tau koom teb koom chaw

Tawm rooj li plaws lam mus zeem qaws

Luag nkauj luag muam ua lub chaw poob

Lub ncauj tsis hais los lub siab ntsws twb xav tsis thoob

Lub kua muag poob nrog twj ywm tseg

Chorus

Zaum no koj mus nyob ib ntxees ntuj

Puas muaj leej twg los ua koj leej nus

Lam mus zeem mab zeem suav

Los ua nus muag sib hlub mog leej muam

Log koj tau hnov lub suab nkauj no

Thov ho nco txog thaum wb tseem me

Txiv tuav kuv tes niam tsaws koj ev

Peb taug txoj kev mus pem daim teb

Peb mus cog nplej mus cog pob kws tiv tshav tiv nag

Koj puas nco qab lawm ne leej muam

Yog koj tau hnov lub suab nkauj no

Thov ho los mloog seb puas tseem yog

Seb puas tseem hnov wb lub suab qub

Yog koj leej nus yav ntuj thaum ub

Txawm nyob sib nrug ib leeg sab ntuj los thov sib nug

Seb puas muaj hnub tau sib pom dua