Koj Siab Dub

Thaum uas wb tsis tau los sib hlub

Kuv twg nug koj tias koj puas tau muaj leej twg

Koj teb kuv tias tsis tau muaj li

Hauv koj lub siab lub ntsws tsuas muaj kuv xwb

Kuv thiaj li ntseeg tias koj yuav hlub tiag

Thiaj li muab tag lub neej thiab txoj sia

Ua txhua yam txhawm zias rau koj

Yeej xav tsis txog tias koj twb muaj ib tug lawm

Txoj kev hlub yav tag dhau los

Puas yog koj lam dag kuv xwb os

Koj twb muaj tus uas koj hlub hlub

Cas tsis qhia kuv dag kuv ua dab tsi

Cas koj lub siab dub ua luaj

Koj tsis hlub cas tsis ua zoo qhia puas thaum ub

Thaum uas koj thiab kuv tseem tsis tau muaj txoj kev hlub

Los mob siab…

Vim tsis paub tias koj twb muaj tug

Thiaj li mob lub siab tag npaum li no

Kua muag hlub poob nrog ntws los

Vim xav tsis txog tias koj lub siab yuav dub

Txoj kev hlub yav tag dhau los

Puas yog koj saib tsis muaj nqis

Koj thiaj li khiav ntawm kuv mus

Nrog luag lwm tus es tso kuv pov tseg

Cas koj lub siab phem ua luaj

Tsis xav yuav cas tsis ua zoo hais puas thaum ntxov

Thaum uas kuv thiaj koj tseem tsis tau muaj dab tsi

Los mob siab…

Yog muaj ib hnub twg luag ua koj lub kua muag ntws

Uas koj tsis tshuav leej twg ntawm koj ib sab

Koj mam li nco txog kuv tus uas

Ib txwm muaj lub suab luag ntxhi rau koj

Koj mam li tig los nrhiav tus neeg tsis muaj nqis tus no

Tsis muaj lawm…