Hlub Li Npau Suav

Lub neej no zoo li npau suav

Uas tsim dheev hauv dab ntub

Cas yuav ploj koj ntuj ntais ntawm kuv ib sab

Zaum no kuv yuav ua li cas

Kuv pw tsis tau vim nco koj

kuv sawv los zaum los xav

Cas kev hlub yuav zoo li no

Kuv rua tsis tau qhov muag los ntsia los saib koj

Vim koj yog luag tus

Chorus

Nws twb lig lawm

Txhua txhua yam twb ploj tag mus lawm

Qhov koj tseg tau rau kuv tsuas yog lub kua muag xwb

Nws twb lig lawm

Koj twb nrog luag cog lus tas lawm

Kuv yuav ua li cas thiaj tshem tau koj

hauv kuv lub siab mus ib txhis

Cia kuv mam mus nyob kuv ib leeg thiaj tsis muaj leej twg yuav nrog paub

Mam mus txua me raj me ncas coj los tshuab los deev kom lub siab txhob xav txog koj

Yog thaum twg kho kho koj lub siab ces yog kuv seev kuv hu txog koj os

Yog thaum twg lub hnub tseem ci lub hli tseem ntsa

Qhia koj paub tias kuv tseem tos koj ib leeg

Kuv tsis paub yuav nyob qhov twg yog tias tsis muaj koj os

Kuv tsis paub yuav taug txoj kev twg yog tias tsis muaj koj os

Ziag no kuv yuav mus kuv ib leeg

Cas hnub hmo yuav ntev ua luaj

Txoj kev hlub ntawm koj thiab kuv

Nws tsuas zoo li npau suav lawm xwb