Daim Duab Qub

rov tshawb pom wb daim duab qub

yees thaum hnub wb tseem ua ke

nyob rau yav tag puag nram ntej

nyob rau hnub wb tseem ua ke

sawv ua ke yees daim duab no

rov tshawb pom nyob rau hnub no

ua rau kuv rov nco txog koj

muab los xav piv rau hnub no

nws txawv deb li ntuj thiab av

koj luag nyav nyob luag xub ntiag

koj luag ntxhi ua luag nplooj siab

kuv no poob ua tus koj hnov qab

ntawm kuv feem ces nws tau tag

koj tau hla dhau mus rau luag

Chorus

muab los xav poob lub kua muag

ntshe tsuas tshuav daim duab lawm xwb

uas tseem sau wb los nyob ua ke

ua puav pheej khaws cia tseg

tias wb tau sib hlub ib zaug

kheev lam lub sij hawm tig rov

mus rau hnub ntawv dua ib zaug

kom kuv tau rov ntsib koj dua

kom kuv tau rov muaj koj dua

tau rov pib wb kev hlub dua ib zaug

tau rov puag koj nyob hauv kuv xub ntiag

yuav hlub koj mus kawg siab nrho

yuav tsis tso koj rau leej twg