Cia Ua Ib Zaj Dab Neeg

Kev npaus suav kev cia siab tias yuav muaj koj

nrog kuv no nyob mus tag ib txhis

txawm yuav nyob hauv lub tsev pheeb suab

los tsuav muaj wb nyob ua ib

Tsab ntawv no cas ho yog koj tsab ntawv caws

kom koj rooj tshoob txwm rau tag kis

hauv lub siab hnov mob ntsim khoob lug

saum sab plhu muaj teev dej ntws

Tus kuv hlub tshaj puas tsav yam

zaum no ces tag tsis muaj lawm mog

xyov yuav nyob ua neeg vwwm mus txog hnub twg

lub siab ntsws thiaj li yuav rov zoo

Thov lub ntuj thov lub teb pab foom koob hmoov

rau tus neeg zoo ua nrog luag mus

thov luag hlub thov luag nyiam mus tag ib txhis

thov txhob tsim tus neeg uas kuv hlub

Nyiam nyiam koj hlub hlub koj los tsis sib tau

ntshe yog txoj hmoo daim ntawv tsis raug

yuav sau txoj kev hlub yav tag los

kuv thiab koj cia ua ib zaj dab neeg